الرئيسية
السلام عليكم ورحمة الله وبركاته
هذي قصيدة تحكي حالة الشعب السعودي
وهي لزياد بن حجاب صاحب بيرق شاعر المليون (والله اعلم)
وبسببها سجن صاحبها حسب الله ونعم الوكيل صار الكلام الصدق
جريييييييييييييييمه
وفعلا كل الكلام واقعي ماذبحت الناس الفقر الا البطانه الفاسده
اليكم القصيده
هذي قصيدة تحكي حالة الشعب السعودي
وهي لزياد بن حجاب صاحب بيرق شاعر المليون (والله اعلم)
وبسببها سجن صاحبها حسب الله ونعم الوكيل صار الكلام الصدق
جريييييييييييييييمه
وفعلا كل الكلام واقعي ماذبحت الناس الفقر الا البطانه الفاسده
اليكم القصيده
وش صار فينا وش حصل يالله عسى مقسوم خير
هذي نوايانا لكن المساله تبغى نقاش
امورنا و اوضاعنا و موضوعنا هذا خطير
والمساله ماهي بحافز والا تدبيرة معاش
احدن ينام و نومته على مخدات الحرير
واحدن ع فرشه ينام ولا لقي غيره فراش
كم كم واحد يسكن بقصر وعلي بابه خفير
وياكم واحد يسكن بعشه وسقفه بلا كاش
قدر المواطن مايساوي عندهم حبة شعير
و نظراتهم فيها حقاره كننا جمعة حشاش
الملحجه رزت بشوت هذا خوي وهذا وزير
بافستقه باكندره باملعقه مع باكراش
صارو على عيال الحمايل سلطه وشر وشرير
ماوفرو للعاطلين الا البقايا والعراش
نشوفهم وماهمم غير المناصب لا تطير
و صورهم ... لاسطع ضو الافلاش
الصادرات من البلد متواصله سيره يسير
ويوجد في شعب المملكه جوعه تفتش بالقشاش
هنا هنا واقصد هنا في بقيق يوجد كم بير
اعظم بلد نفطي ولكن زبدة الموضوع ماش
ياناس خافو ربكم ماعندكم ذرة ضمير
ابسط حقوق الشعب طارت كلها مثل الفراش
نعم نعم هذي ادانه للفقيره والفقير
وهذي الصراحه و الصريح يكتفونه بالخياش
ابتعدي الخط الاحمر لو يصير اللي يصير
ماعندي شي اخسره لامن وظيفه اومعاش
شهادتي بليتها وماها طلع احلى عصير
شكرا يابو متعب وخلفي رددو عاش عاش
يكذب عليك اللي يقول انا نعيش بالف خير
وبطانتك تكذب و تسلب والثمينه يابلاش
تكفي يابو متعب ترى عقارب الساعه تسير
وان ثارت الدنيا بطل مفعول الاندهاش
