لاتجادلني

(لاتجادلني)


(نا دخيلك لاترجعني وراى:خلني عايش على هذه الطموح)



قال بوعز المحبه بالهوى:ماتجي الا برغبات الرضى


شوف من ذاق المراره واكتوى:مانسى كثر الماسي والجروح




(نا دخيلك لاترجعني وراى:خلني عايش على هذه الطموح)



لا تجادلني على قول الخطأ:المحبه ود واخلاص وعطى


واجبك تبقى لنا ستر وغطى:واسع الخاطر ومن قلبك سموح




(نا دخيلك لاترجعني وراى:خلني عايش على هذه الطموح)



لاتصعبها وهي سهله عليك:عادها مره قبيضه في يديك


الفرص تاتي وما ترجع اليك:اغتنم ساعه وخذها من نصوح





(نا دخيلك لاترجعني وراى:خلني عايش على هذه الطموح)



من يفرط في محبينه خسر:ما هنا يومه وليله في سهر


ما يفيد الصوت لي شاع الخبر:لي ضمنتا الحر الخاسي يبوح



(نا دخيلك لاترجعني وراى:خلني عايش على هذه الطموح)



ياحياتي سيب اصحاب الفتن:يعكسوا النيه وهي وسط البدن


عزك الله فوق من هذا الزمن:يرفع الفاشل على وجه النجوح



(نا دخيلك لاترجعني وراى:خلني عايش على هذه الطموح)



والمصيبه صاحبي من قد علق:في شباك الحب ورموش الحدق

ما جنى غير المتاعب والارق:في ثواني كل شي منه يروح

(نا دخيلك لاترجعني وراى:خلني عايش على هذه الطموح)