وآتنفس

وآتنفس .. رغم هذا الضيق في صدر المدينة ،

وآتبسّم .. حتى لو مابه "عصافير وأغاني" ..




وإنتي .. إنتي ، مثل ماأنتي .. ولكنّك حزينه ,

تربكين الدمع .. ويل الدمع من ضيق المحاني ..




صح أنا ما أخترت أكون إنسان يمكن تعشقينه ،

بس أنا ما أخترت أكون إلا معاك "إنسان ثاني" !!




كنت آقول : البحر ما ينشد عن هموم السفينه ،

صرت آقول الحين : دلّوني على ( وجه المواني ) ..!




آه .. واللي خالقٍ بي صوت يصعب تسمعينه ،

ما قطفتك ( لحظةٍ حلوه ) من أغصان الثواني ..




أشبه إحساسي ولا أشبه هذاك اللّي تبينه ،..

شاعر ٍ .. من ضعت عندك ضاع يوم إنه لقاني !




أشبه اللّي مرّ ، في صدري وانا مدري حنينه ..

مثل هذا الفرح .. هذا الجرح لا منّه بكاني ..




أنسكب لك شي مثل الما .. يمكن تشربينه ،

وأرتوي بك شعر .. مثل الشعر لامنّه دعاني ..




مثل هذا الحزن .. هذا الحزن لامرّ بـ سكينه ،

مثل هذا النور .. مثل شعور من يدّي .. خذاني !




مثل هذا اللّي يدوّر في يدينك عن .. يدينه !

مثل هذا اللّي يمرّ الحين .. كل اللّي قراني ،




مثل هذا اللّي يحثّ خطاه .. ما تلحق سنينه ،

مثل هذا اللّي تشوفي ، كيف لو شفتيه جاني !؟




شاعرك .. لو ما تنفّس ضاق به صدر المدينه ،

شاعرك .. لو ما تبسّم .. كان ما رفّت أغاني ،..




إفتحي قلبك ، وشوفي وش ورى دمعات عينه ؟

يمكن تحسّين باللّي ما قوى .. ينطق لسـاني !!




لا يمرّ الحزن .. مثل اللّي يمرّ .. وفي يمينه ،

قلب ما تنبض سنينه مثل .. نبضات الأماني ..




من يقول الصبح هذا .. صبح ، وأشياءه حزينه ..