يا مسندي

يا مسندي قلبي على الدوم يطريك
ما غبت عن عيني وطيفك سمايا

هذي ثلاث سنين والعين تبكيك
ماشفت زولك زاير ياظنايا

تذكر حياتي يوم أشيلك وأداريك
وألاعبك دايم وتمشي ورايا

ترقد على صوتي وحظني يدفيك
ما غيرك احد ساكن في حشايا

واليا مرضت اسهر بقربك و اداريك
ما أذوق طعم النوم صبح و مسايا

ياما عطيتك من حناني وبأعطيك
تكبر وتكبر بالامل يا منايا

لكن خساره بعتنا اليوم وش فيك
واخلصت للزوجه وانا لي شقايا

انا ادري انها قاسيه ما تخليك
قالت عجوزك ما أبيها معايا

وخليتني وسط المصحه وانا ارجيك
هذا جزا المعروف وهذا جزايا

ياليتني خدامة بين اياديك
من شان اشوفك كل يوم برضايا

مشكور يا وليدي وتشكر مساعيك
وادعي لك الله دايم بالهدايه

حمدان يا حمدان امك توصيك
اخاف من تلحق تشوف الوصايا

اوصيت دكتور المصحه بيعطيك
رسالتي وحروفها من بكايا

وان مت لا تبخل علي بدعاويك
واطلب لي الغفران وهذا رجايا

و امطر تراب القبر بدموع عينيك
ما عاد ينفعك الندم و النعايا

ما عاد ينفعك الندم و النعايا

انا ادري انها قاسيه ما تخليك
قالت عجوزك ما أبيها معايا

كم هي معاناتها هذه الام الحنونه من زوجة ابنها الله يصبرها

شكرا لك على الموضوع الجميل و المفيد ♥

جزاك الله  خير على كل ما تقدمه لهذا المنتدى ♥

ننتظر إبداعاتك الجميلة بفارغ الصبر

مشكورعلى مواضيعك الاكثر من رائعه والمميزة..
وسلمت الانامل الذهبيه
دمتم متالقين مبدعين متميزين
بانتظار جديدكِم المميز
ودي واحترامي
لشخصكِم الرائع
تحياتي