ارحلي وابكي ونوحي وقولي وي وي وي

تخيلتك جبل واضح مهو مكتوم=وناح الصخر في قربك بقولة وي
وعمر المال يا هذه لشخص يدوم=انا اغنى منك في صدري الغنى تلقي
دروب البدو ما فيها ملام ولوم=حسافه اليوم عافتكم قبايل طي
انا مااكذب ولا خنتك ابد في يوم=وكل اللي طلبتينه رسمته في
عطيتك كل شي املك وانامهموم=رفعت اسمك وظل اسمي ولا هو شي
تقولي اليوم او بكره واجافي النوم=واظل اسهر واتريا الفرج والضي
وليش الكذب يا هذه اجل محروم=هقيتي فقري يضعفني ببالك كي
وانا الرحال ودروبي غلاها دوم=وعمري ما خطيت بدرب فيه الغي
اقول الشعر وشعوري غدا مرسوم=واتحدى الجميع اللي شعوره عي
ولو مليون متشعر لقهري يروم=يلاقي الليث قدامه برق كالضي
انا اسمي السيف يا هذه ما ني مهزوم=ونبض الشعر وبحوره بقافي حي
صبرت عليك يا هذه صبر مظلوم=وعمري ما شكيت بآه وقولة اي
ولولا العهد لي فينا جرى مقسوم=كنت نسفت ابوابك طويتك طي
خسى الفرسان واشهرهم مهو معلوم=ابشرب دمه وباكل لحومه ني
دروبي واضحه ما لي خطا محشوم=اجل والله ما تلقين زييي زي
وطوفي الكون ودروب القصيد اليوم=انا ابن الها شمي سيد وعذب المي
قبالي توطي اجبالك وكل نجوم=وفي يدي ضياها الشمس ملوي لي
انا غيث العرب شا مخ وسيد القوم=وتروي السهل والوادي مزوني ري
هويتك والهوى كنه وصل مسموم=وتكثر هرجتك واخجل لكلمة خي
عجيبه كيف انا صابر بدرب الشوم=الاقي الف واتحدي العشر تلقي
خلاص اليوم منسيه ماني محكوم=تركتك ارحلي وابكي وقولي وي
وي وي وي وي وي وي وي وي وي =وي وي وي وي وي وي وي وي وي

.