الرئيسية
هذه اللي قلت فيها انها اجمل غرام
وانها تضوي دروبي وما تساويها مناره
ياما ذقت الويل منها ما عرف جفني منام
طيفها لو مر آسر كيف لو ترسل اشاره
وانتظر هاليوم يمضي يا حسافه مثل عام
واحتمل والشوق قاتل هد قلبي بالف غاره
ما بهمي اي وافد لا ولا اخشى ملام
دامها كانت بصدري ونبض قلبي والصداره
لو تحدد اي موعد اقعد احسب بانتظام
ما انام الليل حاشا حاضنن جمره وناره
وان اتت يا ناس فرحه وسط قلبي يا سلام
هذا يوم الحب عندي هالاميره والاماره
ياما سولفنا وضعنا بين احلام الكلام
ما امل الصوت لولو ارتشف منها العباره
وضحكه منها بس ضحكه شمس تضوي هالظلام
واه يا قلبي وااه كانت ابعيني حضاره
كيف اوصف ياللي صار من يصدق يا غرام
كانت الدنيا بريئه وكل شخصن له مساره
بس اتبدل زماني وصاحبي خان الطعام
صدقت من كان خاين يدعي دربي قذاره
والله اني لو اوضح تبكي تبكي هالحمام
بس مثلي ما يولول يكفي مني لك أماره
كيف اوضح كيف ابين والله مظلومً حرام
باعت الغالي برخصن ايه تحسبها شطاره
ما اضيع الله عالم صاحبي ضايع حطام
وانني مستور دايم كل يومً فى نظاره
يا فلانه هذا دربك لي مشيتي به ملام
هذا دربك وانتي حره وادعو ربي بازدهاره
جيت اقلك بس كلمه قاصدً فيها الختام
يا غرام الماضي كله يا خساره يا خساره
===============
كل ما دق بابي قلـت جانـي وحـنّ
ولا فتحته عشانك مـا لقيتـك وراه
الحقيقـه بأنّـي لـي اعـدّك وطـنّ
والمصيبه بأن لك قلب يذبـح قسـاه
إلتفت لي تراني مـا قتلنـي الحـزنّ
لا ولا اهتزّ بعضي من حريق ٍ وطـاه
البلا من غيابك اللـي بعثـر شجـنّ
كل من مرّ حوله حس بـه او قـراه
وحامي الدمع يجرح زاهيات الوجـنّ
قلبي اللي وفالك ليـه تجحـد وفـاه
وليه لارحت ادفـع راحتـي كالثمـنّ
بس أغنّي [ حبيبي مالي عمر ٍ بلاه]
كلّما حنّ قلبـي ودار بـي هالزمـنّ
اصفق الكف ابكي [ لو ترى ما اراه ]
كان يرحم سمّوك قلب منْك استجـنّ
وحَطّني في عيونه واكتفا من قسـاه
.
.
.
