الرئيسية
لا تعتقد بنساك ياحر الاعيان
...../ منسى الذي بالحب قلبي يوده
منساك والله لين ندخل بالاكفان
...../ وانحط في قبرٍ إعظامي تسده
منساك لين اللي صنع كل الاوطان
...../ اينشّف ابحورٍ على جال جده
منساك لين الاثل يثمر برمان
...../ ولين النخل يثمر ازهورا وورده
منساك ياللي صرت للقلب عنوان
...../ لين الجبال الراسيه ذي تهده
منساك لو انك معي صرت خوان
...../ حتى ولو القلب اصبحت ضده
منساك أنا منساك لو كان ماكان
...../ وحيث ان قلبي عنك محدٍ يرده
حبك بقلبي زود مافيه نقصان
...../ يزود مع زود الليالي بشده
حبك بقلبي زود واعطيك برهان
...../ لو كنت قاسي مالنا عنك صده
حبـك بقلبي شوفـةٍ للعميّـان
...../ يزود حبك ياسعودييّ جده
حبك بقلبي كثر تعداد الإنسان
...../ من عصر آدم لين عصرك وبعده
حبك بقلبي عد مامرت ازمان
...../ من اول الدنيا لحتى مرده
حبك بقلبي ماحدا حب للآن
...../ للان مامن حب مثله نعده
حبك بقلبي باينٍ فيه نيشان
...../ اطلب واعضائي لكم مستعده
حبك بقلبي بالثمن ماله اثمان
...../ قلبي على درب الهلك لاتحده
ارجوك ترحم من غدا اليوم شفقان
...../ واجبك ترحم دمعةٍ فوق خده
ارحم تراني اقضي الليل سهران
...../ ارجيك ترحم واحد لو توده
ارحم تراني عقبكم صرت حيران
...../ لا جابوا العيشه عليهم نرده
كان انت مسلم يذكر اليوم قرآن
...../ المسلم الاخر ضروري نوده
وصلاة ربي عد ماني بولهان
...../ وعداد مانجم الليالي نعده
وعداد ما ينظر لصوره بالاعيان
...../ على نبي ٍ ناشر الدين وحده
تحياتي لكم
