الرئيسية
تهددني وتقول إنـي أنانـي وفينـي مافينـي تكدرني وتزعلنـي وتخلينـي وأنـا أعانـي
تحيرني وتسهرنـي ودمعـي حايـر بعينـي وبعد أيام ترجع لي تقـول إشلـون تنسانـي
تجنني برجعتهـا وترمـي السيـف بإيدينـي بعد ماطلعت عيني تقول إنـي انـا الجانـي
أعيد الصفحة من أول وجرح الماضي يدميني وهذا كله من طيبي ومنها يـا كثـر جانـي
أسولف وأبتسم وأضحك وأسليهـا وتسلينـي وتتفتح ورود الحب بعـد ماأنسـى احزانـي
أسامرهـا وأغازلهـا وأداريهـا وتدارينـي بعد ماتحلا أيامـي ترجـع خطونـي ثانـي
تقول إني انا غامض عشـان أنهـا تخلينـي وتجمع كل غلطاتي وترميهـا علـى آذانـي
تطعـن خافقـي بكلمـة ونيتـهـا تعنيـنـي وأنا اللي ظلمهـا فينـي اذا مـازاد كفانـي
أسكت وأنكسر..أحزن وأراجع ماضي سنيني وأنا أسمع أنين الآه بين احزانـي وأشجانـي
غريبة كيف انا صابر عليها وحبها كيف يبليني غريبة والغريـب انـي اجاملهـا بوجدانـي
ولكني وقفت بصمـت كانـه شـيء يبلينـي ودفعني دافـع بقلبـي وشجعنـي وخلاّنـي
أروح بعيـد وانساهـا وأضيعهـا عناوينـي عشان إنها اذا رجعت تـروح لواحـد ثانـي
أنـا طيـب ولكنـي وقـت الشـدة يازينـي وإذا بزعل على انسان حبيبي صعب يلقانـي
وبعد ماطافت المدة ارجعـت أدري تبغينـي وظنهـا بكـل ثقـة انـي بلاقيهـا وتلقانـي
دخلت بيتي المهجور ..وتتسائل انـا وينـي؟ تحسبني انا موجـود وانصدمـت بهجرانـي
قامـت تلتفـت تبـي تنـطـق وتشكيـنـي لكـن مابقـى الا بهـذا البيـت جـدرانـي
تركت الها انا صورة هديـة منـي ياعينـي ولما قلبت الصـورة دهتهـا كلمـة انسانـي
