الفراق ما كان والله اختياري

والله ماكان الفراق اختياري
ولا عمري اخترت الوصال ولقيته

وانا اعشقك عشق المطر للصحاري
مهما قسى وقتك علي ماجفيته

ماكان بعدي عنك بالبال طاري
اخترت بعدي عنك منك ورضيته

لوكنت داري بس لوكنت داري
ماعطيت لك قلبي وبحبك مشيته

لو مل من صبري حنين انتظاري
ماقلت ابيك ولا رجوعك رجيتـــه

ادمنت من طبعك ورود اعتذاري
عطشان ذوق ولطفكم ما ارتويتــه

ليت الزمن يقدر يرد اعتباري
ويبري لهايب قلبي الي كويتــه

روح مراح الليل والليل ساري
لو كان مهما كان حبــك نسيتــــه



هذي ابيات اعجبتني حيل وقلت انقلها لكم عل وعسى تنال اعجابكم
تحياتي لكم