الرئيسية
الله يرحم حبنا اللي قتلتـــيه جفت دموعي والبقا في حــياتك
ياللأسف كل الأسف ما بكيتيه أنتي الغرور أعماك مع حب ذاتك
أنتي بديتي الحب وأنتي نهيتيه اقري عليه الفاتحة في صلاتــك
أنتي رعيتي الحب وأنتي طعنتيه توني دريت آن الغدر من صفاتك
أنتي شريتي الحب مني وبعتيـه عسى الثمن يكون سبت غناتــك
أنتي بنيتي الحب وأنتي هدمتيه الله واكبر من يسوي سواتـــك
أنتي رسمتي الدرب بس مامشيتيه أعماك عن درب الغرام التفاتك
انتي كتبتي العهد وانتي مسحتيه محاولة تزوير في ذكرياتـــك
مره لبستي الحب مره فصختيـــه هذا الهوى لا تحسبينه عباتـــك
قلتي احفظه تذكار واقول مابيــه تذكار حبي هو شهادة وفاتــك
خلي جمالك ينفعك واستغليــــه روحي ورى اللي قال لك ياحلاتك
اخذي الهوى وياك ليش احتفظ فيـه يمكن يجي له يوم يهدم حياتـك
تَحية تلطفهآ قلوب طيبة ونقٌية