الرئيسية
تعال قرب ناحية ذوقي ياذوق.. واسمع صدى نبضي براحة يمينك
ياشوق ياللي تحتري طاري الشوق
لا تتعب القيفان بأوصاف زينك
قيفان شعري غنَت اليوم طاروق
طاروق تطربله خفايا سنينك
غنَت بك أحلامي على لحن مسبوق
وخليت مسحوبه يصافح يدينك
يابو عيون وساع والقد ممشوق
سبحان من صًورك ياملح طينك
إعطف تراني بالعشق صرت مسروق
والسارق أغراني بكلمة (حنينك)
قبلك عرفت أجناس وألوان وعروق
ولا قدر بحث المحبَه يدينك
مجني عليه بسبَة مشاهد الموق
وشلون لو قبَل صفاوة جبينك
تعال قرَب ناحية ذوقي ياذوق وأسمع صدى
نبضي راحة يمينك
تلقى خفوق ينبض بعشق معشوق
في داخل ضلوعه يناديك (وينك)
كنت أتوقع كل مطرود ملحوق
وأثر الأماكن والوله فاقدينك
ياهيه ياللي تنتظر طاري الشوق
لا تنتظر هذي (مشاعر سجينك)
