الرئيسية
صاحبي وش بك علامك ما تبين
وش بدا يا صاحبي مالك بيان
والله اني ذاكرك في كل حين
ما نسيتك صاحبي ساعة زمان
صاحبي في خاطري شوق وحنين
ذكرياتٍ كم لها بقلبي مكان
لي طرت لي تسمع بصدري ونين
مدري طبعي عاطفي والا حنان
صاحبي ليش ابعدت بينّا السّنين
وانطوت صفحة عمر قبل الأوان
إنطوت والقلب بفراقك جزين
ون سليت القلب تفضحني العيان
صاحبي وين العهد وين اليمين
والطريق اللي جمعنا بإتزان
بالصراحه صغنا كل قولٍ حسين
نبتعد عن كل شينٍ أو هوان
أصعب الحالات يا خلّي تلين
ما نعرف الهم ونعيش بأمان
واصبحينا اليوم لا عون وعوين
إنتلاقا لكن بعين ولسان .
