زمان اول

قصيدة زمان اول
زمان اوّل : زمان امْن ايْد كذابه .. لكذابه
وصادفتك وشرّفني أعيش أنسان لأنسانه
مدام انّي أشوف الطهر في ناظرك تحلى به
وش اللي بخسره لو أجعلك ذا اليوم كسبانه
يلوموني وانا الْوم الحلا ذي فاتح ٍ بابه
بوسط اعيونك الثنتين كنّك صرتي سجانه
عيوب الشخص تكشفها ملامح تسكن اهدابه
وأنتي اعيونك اتْبيّن طهر كالميّ صفيانه
تهزّ الخافق اتْخلّي بعيد ٍ عنْه يدرى به
يحسّ ابْقوّة اجْنونه وعشق ايّزلزل اكوانه
غزيتي الذات باقوى أحتلال وْ صرتي اشعابه
بنيتي ابْداخله قصر الغلا وْ عمدتي اركانه
وذنبه ابْكل ذا نظرة نظرها وأنتي اسبابه
ولولا نظرتك ماكان قلبي هاجر اوطانه
عشقتك لين صار العشق بعدي يقفل ابوابه
وكنتي دوم تتباهي وغيرك الف غيرانه
تجيني في زمن أعوج وسيده أكتب اكتابه
وأقلّب لجلك الدنيا وْ تصيري ابكوني سلطانه
واشوف اليوم في وجهك .. مست لشْواق قلابه
وعشق اوّل تحول : بس مادري وش على شانه
بنار القلب تتمني لو اتْكونين اخشابه
كأنّ الحقد في ثار وْ غريم ٍ شاف عدوانه
عجيبة إنقلب حالك وطيبك كشِّر اِب نابه
وانا قلبي بليد وْ ماتوقعها من افلانه
رمى رشدي على طيشه .. عساها تصبح ادعابه
لأنّ امْن المحال احد ٍ مزاحه قتل خلانه
أسلّي نفسي ابْكذبي وصدقي فاقد اعصابه
واشوف اني حزين ٍ !!! .. لا .. !!! أشوف البنت فرحانه!!
حسافه ماعرفت آعيش صادق لجل كذابه
سوى نكذب تعالي دامها خربانه خربانه
ولو ردّت "صراحة" شلّي قلبك وين ماطابه
صدَق ولهان لكنّك أسف مانتي بولهانه
عليك اكذب لو اني ابقول منتي صدق لعّابه
او اني بزعل ابيوم ٍ تجيني فيه زعلانه
تبيعي وْ تشتري فيني عقب جيّيْتك طلابه
وانا وش لي أعيش ابدور عاشق بعض أحيانه
تجيه وْ ما تذكّر من عتابه غير حيّا به
تروحي وْ مانسى يسأل هوانا بس من خانه
أنا والا انتي والا الناس والا ما تعبنابه
او ان الوقت حايل بيننا والا تبلانه
إذا كان الوفا منّي خطية وْ هجرك اعقابة
معك قلبك .. وانا نفسي عزيزة دون خوّانه
ولو منّي زعل قلبك ... دخيلك وفري اعتابه
تري منّك تعلمنا غدر أنسان لانسانه