تعبت اترجاك

تعبت اِنا اِتْرجّاك وآدوّر اِرْضاك
واِكذب على قلبي بحبّك واِسلّيه
دامك تبين البعد الله ويّاك
مابرتجي اِرْجوعك ولا عاد انا اِبْغيه
الله مــعك روحي وباحاول اِنْساك
وتكفين باب القلب بعدك تصكّيه
لنّي كرهت الحب ويّاك واِبلاك
كلّه كَذَب واِخداع واِكْبر قَهَر فيه
بيته كما أبْيات العناكب من اِشْراك
ما يحتمل أنسان غير اللي راعيه
ياقلبي المسكين خلّيك باِدْجاك
ماتبغي الأنوار لو حبّ ضاويه
والورد ما تبغاه لا تْحوّل ِاشْواك
تدراه بجراحك ونيران تكويه
واحذر بيوم اِتْقول أنسان يهواك
تبغى تشوف الصدق وتصير تغليه
يكفيك هذا اليوم وش جاك بخطاك
نار و براكين ٍ بفكرك تصاليه
تكفى تناسى اللي بوقته تناساك
واِبقى اِبْشموخك عالي الراس معليه
واختار موتي لو حنين ٍ لها جاك
واقطع وريدي لو جرى حبّها فيه
واتذكري يا عين مين اللي اِعْماك
من قهر دمعاتي من الغبن تبكيه