كثر الله خيرك

كثر الله خيرك
كثّر الله خير من يجرحوني
وكثّر الله خير غالي نحبه

والله يسامح كل من يظلموني
يا ظالمي حقي انا من يجيبه

لو بعثروني فيك او جمّعوني
ما اظن يلقو غير ميّت محبه

ليت الجنايز فوقها يحملوني
ويموت لكن عشقكم وسط قلبه

ما بين رمشه والجفون كفنوني
يا كثر ما فيهم شكى من لهيبه

ما دامهم في عشقتك طيحوني
لا يخلفو ميعادهم لي بقربه

ياليتهم تحت الضلوع يدفنوني
يمكن بقايا شوق ليله يجيبه

في باقي انفاسه الا عطروني
ودي وداع العطر يبقى بطيبه

لو جنة الدنيا بها خيروني
اختار قربه لو نواها عصيبه

قل للخواطر كم حروفه هجوني
بس الغرام فيني تقولو مصيبه

ليش كل ما أضّمى حطب يكسروني
ويوم يرّوى ما يحسّو رطيبه

ليش كل اناظر.. له يجافي عيوني
وبس ابكي بحر فيها يصبه

صوت الحمامه كم يهّيج شجوني
كل الاماكن دون اسمه غريبه

دام الربيع ما تستفزه غصوني
يبقى الخريف ارحم لنا من حليبه