سلام

سلام ياْهل الشايح اللي مايرد السلام
===== وانتم سلام الوقت ياشحَّت صفاوة هلاه
عداّكم العيب وضياع الراي وقت الملام
====ماهمني غير الكريم اللي ضميري رجاه
الواحد المعبود من فرّق نفوس الأنام
======واعطا التواضع للنفوس اللي براس النّباه
يبقى السّنام ولو تمرَّغ بالمراغه سنام
======ماتنِقْصه مادامها حكمه خلقها الإله
وارقبت انا رجم الزمن قبل اختتام الظلام
========جمعتها من هيفها لاهل اليمن للفلاه
فِكر وبنات الفكر والافكار والإِنِسجام
======مرَّه على سهيل اليمن والهيف والإِشتباه
ومره على نجم الشمال اللي ثباته دوام
========مثل الخبر مرفوع بالجمله وَرَث مبتداه
اوجدي الشمال اللي يسمونه جدي بالكلام
=====لوهو جدي باسمه /نجم /ماله شبيه بسماه
ماهي على العادي نعم مار انتبه ياهمام
=====كررتها تثبيت حفظ حقوق عند الرّواه
والشامخ اللي للسلام اجمل تحايا السلام
=====ياهاجت الهيجا كثير من البشر في حماه
يَـغْـرف صَخَر ينحت بحر حرفٍ أَصيل وجهام
===يرسم حروف ويكتب الصوره بصوت وصداه
سلام ياهل الشايح اللي مايرد السلام
==========والزرع للزَّارع حَصِيلِه ياجمع ماجناه