الرئيسية
ياليت منهو باله اليوم مرتاح
نومه هني يرقد وعينه قريره
مثل الطفل لاطاح في مرقده طاح
لاشاغله همه ولاهم غيره
ياقلب لاتحزن على فايت ٍ راح
كثر الالم والحزن مافيه خيره
باب ٍ يجيب الهم صكه وترتاح
خله بديره وانت خلك بديره
ماراح راح وعادة الكرب ينزاح
اصبر عليه شوي ويطير طيره
ترى الليالي فيهن اتراح وافراح
وكم من عسيره جا بعدها يسيره
لاتشتغل بالحيل لوصاح من صاح
كل ٍ على دربه يواجه مصيره
الله عليم وعالم ٍ سر الارواح
لا انت بوكيل ٍ له ولا انت بخشيره