معشوقي كلي معاك معاك حتى للهلاك / كاملة

الجـزء >> 4 <<


بـ الخبر لكن فـ بيت غير بيوت أبطالنا .. فـ بيت 'الوافي' كان يكلم أبوهـ تليفون { طبعاً أبوهـ بـ الخارج } ..
الله يطول بعمرك متى بتجي ؟؟
أبو الوافي : وش عندك مستعجل ؟؟ أنتظر شوي
الوافي : ما آبي البنت تطير من يدي .. أنت ناسي انه ابوها معروف والخطاطيب عليها كثير ..
أبو الوافي : وانت ناسي انها ترفضهم ؟؟
الوافي : بـ إذن الله ماترفضني
أبو الوافي : لا تتأمل كثير !!
الوافي : ماعلينا .. متى تجي عشان نخطب
أبو الوافي : طيب .. نكلم تليفون ونعطيهم خبر وإذا رضوا جيت وخطبنا رسمي
الوافي : من جدك يبه ؟
أبو الوافي : إيه .. وش فيها ؟
الوافي : أبد طال عمرك .. بس لا تنسى من بنته .. ومستحيل يرضى بـ تليفون .. يانجي له كلنا ورسمي قدامهم كلهم وإلا ماراح يقبلون .. وبعدين آبيك تجي عشان إذا وافقوا نملك على طوول عشان ماتروح تسافر وننتظرك ليما ترجع مرهـ ثانيه ..
أبو الوافي : خلاص .. خلال هـ الأسبوع إن شاء الله أـنا هنا ..
الوافي : إن شاء الله على خير ..
أبو الوافي : كيف الشغل معاك ..؟؟
الوافي : كل شيء على أفضل حال والحمدلله ..
أبو الوافي : الحمدلله ..
الوافي : تامرني شيء قبل لا اسكر ؟؟
أبو الوافي : سلامتك وأنتبه لـ نفسك واخوك ..
الوافي : تامر يـ الغالي .. مع السلامه ..
أبو الوافي : بحفظ الله ..

عائلة أبو الوافي .. { أبو الوافي من كبار التجار بـ السعوديه .. وقبل 8 سنوات حول بعض شغله للخارج ولا رجع للسعوديه من هذاك الوقت ,, وولدهـ الوافي اهو إللي ماسك شغل أبوهـ بـ السعوديه ومعروف عند الكل ,, وسمعته حلوهـ بين التجار عمرهـ 31 سنه طويل أبيضاني شوي ,, شعرهـ أسود ملامحه حادهـ وتدل على قو شخصيته ,, أم الوافي متوفيه من 10 سنوات وعندهـ أخو أسمه أسامه عمرهـ 26 سنه ونفس الشيء يشتغل مع أخوهـ لكن مو نفس قوة الوافي .. أبوهم متزوج بـ الخارج وحدهـ أجنبيه ولا فكر يجيب منها أولاد .. }


فـ بيت أبو خالد بـ مجلس الرياجيل .. كانوا يسولفون بعد الغدأ وابو خالد جا له إتصال من الخارج وانشغل يكلم ..
ابو راكان : بسلم على الوالدهـ شوفوا لنا الطريق { تو يتذكر أمه لو إنها أم زوجته كان من قبل لا يجلس واهو مسلم عليها }
حاتم يوقف يوصل عمه وأولاد عمه لـ جناح جدته : تفضل البيت بيتك ياعمي .. { طبعاً حاتم أتصل فـ أمه وقال إنو عمه وعياله بيدخلون عشان يتغطون البنات ويسلمون عليه }

بـ غرفة جلوس جدتهم كانوا البنات والحريم وجدتهم موجودين .. أم سعد ووسن وأم سعود على كنبه وحدهـ ..
هنادي : ذا الحين وراك حاشرهـ نفسك بين أم وبنتها ؟؟ { تكلم وسن }
وسن : أتوقع ياعميا إني قاعدهـ أقصص فاكهه لـ جدتي واوكلها ..
أم سعد تهزئي هنادي : وش عليك منها ..؟؟ أفضل منك جالسه توكلني .. إنتي مامنك منفعه ..
البنات والحريم : ههههههههههههههههههههههههههه
وتين : وآك وآك وآك .. لقطي لقطي .. هههههههههههههه .. وإنفقوا ضحك ..
وسن وإهي تحضن جدتها من الجنب وتضحك : ياحياتي إذا جلست بجنبك وماوكلتك ياعُمري عل إيدي للقص ..
جدته : ياحلوك ياثمرة الدنيا .. الله لا يخليني منك
وسن وإهي تبوس خد جدتها : ولا منك ياقلبي ..
أم سعود تكلم البنات : أسمعوا ياحظي .. مو كل وحدهـ ماهمها إلا نفسها ..
جت لهم أم خالد وقالت بنات ترا سعد بيدخل يسلم ومعاهـ أولادهـ .. هنا البنات نطوا لإنهم قبل الغدأ نزلوا عباياتهم .. وكل وحدهـ تدور عباتها وإللي ترمي العبايه على الثانيه على أساس مو لها وحوسه مرهـ .. وأخيراً كلهم لبسوا وتعدلوا وجلسوا ..

أم سعود ناويه وسن : وسن يُمه تعالي كملي أكل جدتك ..
وسن بحسن نيه : هذاني جايه .. وجلست بـ نفس مكانها توكل جدتها ..

دخل حاتم وابو راكان وراكان وزياد .. والبنات جالسات على 3 كنبات بجنب بعض والحريم جالسات بكنبتين وكنبة أم سعد عليها أم سعد ووسن وأم سعود على الطرف الثاني وبجنب كنبة أم سعد كنبه ثانيه فاضيه لكن بينهم مسافه بحيث إنو إللي يبي يمر من بينهم يمر ..
سلمو أبو راكان وراكان وزياد ع أم سعد .. طبعاً أم سعد وقفت لهم { مهما كان هذا ولدها الكبير وعياله } وسن بجنبها جالسه .. أم سعود تطق وسن وتهمس لها : قومي سلمي ياحظي .. تونا نمدحك ..
وسن ناسيه سالفة التسليم ضحكت بخفه : إن شاء الله .. ووقفت سلمت ع عمها .. وعمها مايعرف منهي هذي لإنها متغطيه ..
وسن تبوس راس عمها : شخبارك ياعمي ؟؟
أبو رااكان : بخير ونعمه
أم سعود : هذي وسن ياسعد
من قالت هذي وسن وراكان مطير عيونه فيها .. إهي أستحت
وسلم أبو راكان ع باقي البنات وعرفتهم أم سعود عليه ..
راكـان يكلم بنات عمه وبنات عماته : شخباركم يابنات ؟؟
البنات أعجبهم راكان وجرأته ردوا كلهم عدا وسن ووتين : تمام الحمدلله .. وسن خجلانه ووتين ماتحبه والسبب إللي يخطر فـ بالها إنو راح ياخذ وسن للرياض بعيد عنهم ..
خلود من النوع إللي يسلم ويسأل عن حال أولاد عمها : إنتم كيفكم ؟؟
راكـان وزياد : الحمدلله بخير ونعمه
جلسوا عند أم سعد وحاتم يقهويهم .. أبو راكان مشغول يسولف مع أمه .. والعيال يسولفون مع عماتهم ..
أم خالد : كيف أمكم وخواتكم وجدانكم ؟؟
راكان : كلهم بخير ياعمه ويسلمون عليكم { نصاب بس بيرقع لـ أمه وخالاته وخواته }
أم خالد : الله يسلمهم .. {راكان يقول لـ أم خالد ياعمه ليش مايقول ياعمه وإهي أم دنيته }
أم سعود : وش وظايفكم ؟؟
راكان : كلنا مع جدي وابوي بـ الشركه ..
أم سعود : ما شاء الله .. { وبطبعها إللي ماتغيرهـ } يعني مابقى شيء وتفتحون لكم بيوت وتكونون أسرهـ { أم سعود ماتحب الرجال إللي مايتزوج وإهي ماسكه إلا تزوج كل عيالهم }

حاتم يتطنز : لا حووول .. حتى طاري العرس هنا ..
أم سعود يقال إنها زعلانه إلـى الآن عليهم : أسكت عني يـ المعقد من المعقدين الباقين ..
حاتم : هههههههههههههههههه .. الحلو حاقد وبقوهـ
أم سعود بتضحك لكن مسكت نفسها : إيه.. وش كنا نقول ..
حاتم يستههبل : الله يطول عمرك شغاله خطابه .. والله لو يسلمونك أمور إللي ماتزوجوا كان مابقى أحد عزابي ولا وحدهـ عانس ..
هنا وسن والبنات ماقدروا يمسكون انفسهم : هههههههههههههههههههههههههههههــآآي ..
أم سعود تخز وسن وناويتها من قبل وذا الحين بقوهـ وتهمس لها : أضحكي أضحكي .. وإللي خلقني لـ أحرجك إحراج عليه الكلام ..
وسن وإهي تضحك وتتساسرها : الله يعافيك سوي إللي تبين .. لكنن مو ذا الحين ..
أم سعود : إيه زين .. { كملت تكلم راكان } إيه يُمه ماسمعت رايكم
راكان : الحمدلله .. وش إللي يمنعنا لا نفتح بيت ونكون أسرهـ ..{ وسن خلاص بتتقطع }
أم سعود مبسوطه آخيراً حصلت إللي يبرد خاطرها : كفووووووووووووو والله هذيل إللي يرفعون الراس
حاتم : ههههههههههه .. الحين عشانه ناوي الزواج .. خلاص يرفع الراس
أم سعود : أسكت عني بس .. ما آبي أتكلم إلا مع هـ إللي يبردون الخاطر
حاتم يضحك : خلاص العنود حطتك فوق راسها ..
راكان : شـ آبي أكثر من كذا
أم سعود : ياعمري والله .. { تكلم وسن } سمعتي الكلام مو تضحكين علي مع أخوك ..
حاتم : عاد وسن إللي ع طول مناصرتك ولا تسمع فيك
أم سعود : إيه هذاك أول .. لكن من شافتك نست الدنيا ..
حاتم : ياحياتي .. آثر إللي يشوفني ينسى الدنيا
وسن : ههههه .. وبقوهـ
أم سعود : تكلمت .. { تكلم حاتم } لا اشوف وجهك أنت واخوانك إذا كنا أـنا ووسن جالسين مع بعض ..
حاتم : أـفـأ .. وليش ؟
أم سعود : كذا .. عشان ماتقلب علي ..
حاتم : شنسوي أخوان ونحب بعض .. وشيء طبيعي إذا شافتنا تسحب عليك ..
أم سعود تدور شيء ترميه عليه وماحصت إلا موبايل وسن وخذته ورمته ..
وسن : لاااااااااااا
حاتم واهو يمسكه : ماعليك إذا صار فيه شيء فدأ راسك وكل محلات الموبايلات تحت أمرك ..
وتين تستهبل : يُمه خذي جوالي أرميه ع حاتم . .
البنات وأم سعود وحاتم وراكان وزيااد يضحكون ..
حاتم يكلم وتين وبكرمه المعتاد : وش نوعه الجهاز إللي تبينه ويصير عندك
وتين مستانسه : أخر جهاز نزل حتى إذا تو نازل
البنات أنقهروا .. خلود : أـنا الصفر بـ جهازي خربان { نصابه }
أم سعود : إيه لقيتوا من يعطيكم وجه .. بتخسرون وليدي
حاتم : عمه ترا الخير كثير والحمدلله
أم سعود : إذا كذا جب لي معاك
راكـان : هههههههههههههه .. توك تهاوشين البنات
أم سعود : دام الكرم ذابحه وخيرهـ كثير خله يجيب لي
أم فارس : ويلي عنك ياوليدي
حاتم : عادي ياعمه .. بجيب لهم كلهم
أم تركي : والمناسبه .؟؟
حاتم : من وسن لهم
وسن بعفويه : ياحياتي
حاتم ناظرها وتبسم .. وسن تتبسم له ..راكان كان يناظرها .. والبنات والحريم كلهم ملاحظين .. إلا هذا جوال حاتم يدق .. أستئذن وطلع يكلم ..
أم سعود تكلم وسن بصوت خفيف وبترد كل حركه سوتها وسن : قومي صبي القهوهـ فضيحه ..
وسن أنهبلت من كلام عمتها : لا مستحيل
أم سعود : ييافضيحتنا عندهم .. وش بيقولون ؟
وسن : وربي صعب ياعمه .. أقول حق القهوجيات يجون ..
أم سعود ودها تضحك : وشوووو ..!! هذا إذا كنا كلنا حريم .. لكن هذا عمك وأولادهـ .. صعب قهوجيه تقويهم .. هذا بيت أبوك , وحاتم كان يقهويهم وجا له تليفون وطلع , وأمك تسولف مع عماتك .. قومي .. أشوف .. قامت وسن غصب عليها ووجهها الوان .. البنات يناظرون فيها ويتساسرون ويضحكون وأم سعود مبسوطه عرفت كيف تردها عدل ..

أم راشد : ههههههههههههههههههههههههـآآي .. وبترقع لما ناظروها راكـان وزياد قالت : زياد ماسمعنا صوتك { وإهي تكذب سأل عن أحوالهم وقاعد يسولف مع أم تركي }
زياد يتبسم : بس ماطلبتي شيء
راكـان : أقول يـ الأخو ماتقصد تغني لها ..
زياد يقال إنه مصدوم : أـفأ .. ع بالي عمتي معجبها صوتي
أم سعود تدق بـ الكلام : ما شاء الله كثروا بعائلتنا إللي أصواتهم حلوهـ ..
زياد : ترا راكـان بعد صوته حليو
راكـان يرقع : يستهبل اهو وجهه
خلود ناويه وسن : هههههههه .. ما شاء الله أجل أتفقوا
أم سعود وأم خالد وأم راشد فهموا وجلسوا يضحكون .. ووسن وجهها الوان مو كافي عمتها غاصبتها تصب القهوهـ ..
أم سعود وإهي تشوف راكان ناهي فنجانه : وسن صبي قهوهـ لـ راكـان ..
البنات ضحكوا بصوت خفيف ع وسن إللي واقفه منظر بس
وسن خذت دلة القهوهـ السيف وراحت تمشي لـ راكان وإهي خاطرها يقول بس ما آبي .. لكن وين هذا راكان يرفض شيء من إيد وسن .. خذت وسن الفنجان وصبت له قهوهـ وعطته الفنجان .. اهو شـ أقول بس عن شعورهـ .. حبيبته تصب له قهوهـ .. وناظرت فـ زياد وخذت فنجانه قال زياد : بس الله يعافيك ..
وسن راحت وصبت له شاي وعطته ..
أم سعود : وسن صبي لي شاي
وسن بخاطرها وش عندهم ماحبوا الشاي إلا اليوم .. وصبت شاي لـ عمتها وعطتها وغمزت لها عمتها ..
وراحت تصب قهوهـ مرهـ ثانيه لـ راكـان .. خذت الفنجان منه قال بصوته المميز ووجهه إللي يتبسم لـ وسن بس وإلا الباقين لهم البسمه العاديه : ماودي أقول بس .. البنات مع الحريم هههههههههههههههههههههههههههههههههه ..
أم سعود تستهبل : وسن ياخذ بليسك .. لا تذبحين الولد من كثر القهوهـ
البنات وأمهاتهم : ههههههههههههههههههههههههه
وسن راحت تصب له شاي ..
زياد يستهبل : وش فيك .. تقول أول مرهـ تشرب قهوهـ من سنين ؟؟
راكان : ياخي شدخلك .. القهوه طعمها غير ..
أم سعود وناويه تقربهم من بعض غمزت لـ راكان : إلا السر بـ إللي يصب القهوهـ ..
راكان نسى عمته لما جابت له وسن الشاي ولا رد ع عمته .. قال يكلم وسن : تسلمين { وبصوت واطي ما أحد سمعه إلا زياد ووسن } ياقلبي ..
وسن وجهها أحمر لو بتنزل غطاها قالت بصوتها المعروف : يسلمك
أم سعود : خلف الله .. لا الولد سحب علي ..
أم فارس : هههههههههههه .. شـ بلاك اليوم مابقى أحد ماسحب عليك ..
أم سعود : أـنا أدري .. وتكلم راكان : يـ أبو الشباب ياههووووهـ
راكان حسباله عمته تكلم زياد .. ولا ناظرها
زياد : لا تحاولين .. ماففي أمل ..
أم سعود : والله شكله مافي أمل أبد ..
وسن طبعاً جالسه ع كرسي قبال الطاوله إللي عليها القهوهـ والشاي وتناظر فـ أمها وعماتها وإلا بـ الأرض وتصير قبال راكـان ع طوول وعاطيه البنات ظهرها .. راكان يناظر فيها إذا ماكان يسولف مع عماته .. ووسن ماتناظر إلا إذا طقوها البنات من ظهرها عشان تقوم تقهوي .. وجوال وسن من رمته أم سعود ع حاتم واهو ع الطاوله بزاويتها يصير الأقرب له زياد وراكان ..

حبهم واضح للكل حتى اولاد عائلتهم يعرفون هـ الشيء عشان كذا ماتقدموا لـ وسن عشان راكان يحبها ..

دق الموبايل وكان صوت حسين الجسمي يتردد بـ المكان والكل سكت يسمع للإحساس إللي بـ الأغنيه مهما أتكلم عن هـ الأغنيه وشنو تعني لـ صاحبة الموبايل ماراح أنتهي ..

تمضي الليالي الليالي والزمن فينا يدوور
ويبقى الشعور بداخلي نفس الشعور
ياخوي ياعزوتي ياضحكتي وبكاي
يامن على فزعتي يمينه فـ يمناي ..

الكل ساكت يسمع .. الأغنيه تشد الواحد يسمعها بـ الغصب ..
أم فارس : جوال مين هذا ؟؟
رجع يدق مرهـ ثانيه .. الموبايل كان وجهه ع الطاوله بحيث مايشوفون منو المتصل .. راكان بطبعه الملقوف رفع الموبايل إللي ع الطاوله وناظر فيه ..
وتين حافظه كل شيء يخص وسن : هذا موبايل وسن
راكان ناظر وسن وناظر الموبايل قال : المتصل 'h' شموخ دنيتي 'h' !!
وسن بصوت واطي من الخجل ماسمعه إلا راكان وحلو إنو الصوت وصل لـ زياد : هذا حاتم ,,
زياد أعجبته الأغنيه عن تمسك الاخوهـ فـ بعض وحبهم الكبير
راكان يعطي وسن الموبايل .. خذت وسن الموبايل تبسمت بـ إرتباك .. وردت
وسن بصوتها الرايق : آلو
حاتم : أهلين وسن ليش ماتردين
حاتم يكمل : عمي باقي عندكم ؟؟
وسن : إيوا
حاتم : خلاص أـنا جاي .. حسبالي طلع للمجلس ومابغيت أدخل المججلس واـنا ماأدري إذا فيه وإلا لا
وسن عرفت إنو إذا حاتم دخل المجلس وعمه مو في بياكل محاضرهـ من أبوهـ عشانه تارك عمه وجاي .. : أوكي وقفلت ..
أم سعود : مين ؟؟
وسن : هذا حاتم
راكان فـ خاطرهـ ياعمري للدرجه هذي متعلقه في أخوانها ..
أم سعود : أـنا أقول ورا البنت إذا شافت أخوانها سحبت علينا وإذا شافوها نفس الشيء .. أثاري السبب النغمات هذي إللي تطيح الواحد غصب
أم خالد : كل شخص متعلقه فيه وسن إلا تحط له نغمه خاصه
وتين : صح أخوانها كلهم هذي النغمه .. وخالي وخالتي نغمه ثانيه خاصه فيهم ..
ريم : ما شاء الله عارفه كل شيء
وتين : أكيد بعرف كل شيء عن وسن
زياد : المقطع حلو .. ممكن ترسلينه بلوتوث ..
وسن : أكيد .. وفتحت بلوتوثها وأرسلت لـ زياد المقطع
أم سعود : عرفنا نغمت أخوانك عندك .. وأخوانك وش حاطين لك .؟؟
وسن : النغمه العاديه .. لإنو صعب يحطون مقاطع واهم يجلسون بمجالس كلها رجال ..
إلا هذا حاتم داخل عليهم .. السلام عليكم ..
الكل : وعليكم السلام والرحمه
وقفت وسن وجا حاتم ووقف بجنبها ..
وتين : جبت الأجهزهـ ؟؟ { تقصد الموبايلات }
حاتم : طلعت أكلم ورجعت .. حتى ماطلعت من البيت
أم سعود تبي تطفرهـ : خلاص يابوي لاتنسى { تعرف حاتم مستحيل ينسى شيء }
حاتم يستعبط : المعقد ماينسى
راكان : ههههههههههههههههه
أم سعود : ياخي لا تذكرني بسالفة المعقد
وسن: هههههههههههههههههههــآي ..
راكان ناظر فيها .. وفـ خاطرهـ فديت الضحكه وراعيتها
أم سعود : إيه وش عليك .. السالفه بـ الدور هذا يضحك ويسكت وهذا يمسك الخط بعدهـ ..
وسن أستحت .. وراكان يتبسم
زياد يكلم راكان بصوت واطي : أستح ترا أخوها هنا وإذا حس بـ شيء بيتوطى فـ بطنك وبعد قليله
راكان : لا تخاف كلهم يعرفون إني آتمناها من زمان
زياد أنصدم : أنت صاحي ترا أخوانها ماراح يرضون ع الشيء هذا
راكان : اهم عارفين كل شيء صار عندهم مو من وراهم وقريب إن شاء الله راح يكون كل رسمي ولا علي من أحد ..
زياد : إيه بكيفك ..

وكملوا سوالف سوا ,, وبعد ربع ساعه وقف أبو راكان ووقفوا كلهم معه ع أساس خلاص بيودعونهم راجعين للرياض ..

ابو راكان يكلم أمه بعد ماباس راسها : أشوفك ع خير يـ الغاليه
أم راكان : بحفظه يـ أبوي
أبو راكان راح يسلم ع خواته وبنات خواته واخوانه وراكان قدم زياد يسلم قبله ع جدته وبجنبها وسن وبعدين عمته العنود .. سلم عليهم زياد وجا دور راكان .. وسلم ع جدته واهو يناظر وسن .. طبعاً وسن واقفه لإنو الكل واقف .. مر من قبال وسن وأول مرهـ يكون قريب كذا واهو مار عشان يسلم ع عمته العنود إللي واقفه بعد وسن .. العنود فاهمه ع راكان لما سلم عليها ..
ام سعود بصوت واطي : أـنا أشوفك أخر واحد اثاري لك هدف
راكان بنفس صوتها ويضحك : وما حصل شيء
أم سعود : دبر نفسك { وتحاول تشغله وتسولف معاهـ ليما يطلع أبوهـ وزياد وحاتم .. وفعلاً مثل ماخططت العنود طلعوا وبقا بـ الغرفه أم سعود ووسن والجدهـ وراكان وأم فارس وأم عبدالرحمن والبنات .. وإللي يشوفهم يقول هذا مافي نيته شيء .. ومشت العنود مع راكان لـ باب الغرفه ولما طلعوا وقفوا بـ الممر ..
راكان : تُكفين ياعمه .. بس بكلهما شوي ..
أم سعود تفكر .. يقطع عليها راكـان : عمه إنتي عارفه قصدي مو لعب وربي أتمناها لي اليوم قبل بكرهـ ..
أم سعود : خلاص بناديها لك وبطلع اـنا عشان أشوف لك الوضع من جهة الصاله ..
راكان فرحان : الله لا يحرمني منك ..
أم سعود تدخل غرفة الجلوس حقت أمها وأبوها .. وتكلم وسن فـ أذنها : روحي في أحد يناديك من أخوانك وانتبهي لا تطلعين كاشفه يمكن فيه أحد من العيال
وسن تقوم : إن شاء الله
أم سعود بتطلع قبل وسن عشان تشيك ع الأوضاع بـ الصاله .. وتكلم البنات : لا أحد يطلع خالد برا يكلم وسن
البنات : إن شاء الله
وطلعت وقالت لـ راكان بتجي ذا الحين بس ويلك لو خنت الثقه وتغمز له
راكان يضحك : لا إرتاحي مافي مكان يساعد
أم سعود تطقه ع كتفه : أـهـا بس .. وراحت وتركته .. طلعت وسن بعد ماعدلت غطاها .. وأنصدمت لما شافت راكان .. كانت بتدخل لكن نادا لها ,, ولفت له من غير لا تتكلم ..
راكان واهو يشغل نظرهـ بـ آي مكان عشان مايناظرهـا : أـنا ماتأخرت ع أبوي واخوي عشان شيء تافه .. أـنا بقول لك شيء واحد وبس تأكدي منه مهما صار .. مافيه غيرك شاغل البال وساكن القلب والشاهد ع كلامي الله .. أنتبهي ع نفسك وناظرها بسرعه وطلع ..

وسن حالتها حاله بعد كلامه واقفه ماتدري إللي صار حقيقه وإلا خيال .. إهي صحيح تحبه من كانت صغيرهـ واهو يحبها .. لكن من طلعوا من الشرقيه ساكنين الرياض وإهي ماتدري كيف أوضاعه ناحيتها وغير هذا أهله مايبونها من خالاته إلـى خواته ..

روووووعه قصه جميله

مأراوع قلمك حين يصول ويجول
بين الكلمات تختار الحروف بكل أتقان ..
تصيغ لنا من الأبداع سطور تُبهر كل من ينظر إليها ..
دمت بحب وسعاده ..