الرئيسية
الجـزء >> 3 <<
أم عبدالرحمـن : يلا يابنات صلاه ,, عمتي إنتهت وإحنا ماصلينا الظهر ..
وتين تطق بـ إيدها على راسها : يؤ .. خذتنا السواليف وتركنا الصلاه
أم فارس : الله لا يغضب علينا .. خلونا نقوم .. وقاموا البنات والحريم يصلون الظهر ..
عند الجامع بعد الصلاه على طوول طلعوا الشباب كلهم لـ بيت أبو خالد .. وأبو خالد وباقي الأباء جلسوا يقرون قرآن شوي وبعدها بيطلعون سوأ مع أبو سعد للبيت ..
فـ مجلس أبو خالد قبل مايوصل أبو راكـان ..
بـدر : والله يـ وليد طالع كشخه
حاتم بثقه : أكيد أخو حاتم
بدر يسوي نفسه يكح : كح كح ,, ترا إنت ماخذ بحالك مقلب
حاتم يناظرهـ واهو رافع حاجب : تنكـر ؟
ياسر : تكلم مغرور زمانه
حاتم لف وجهه جهة ياسر وتكلم بنفس الثقه : وبعد إنت تنكر ؟؟
فيصل يستهبل : كلش ولا حبيبي حاتم
حاتم : قالوا لك بنت يطيحني هـ الكلام !!
فارس : إنت شبلاك ماتتقبل شيء ؟
حاتم : شسوي ربي خلقني كذا
وسام يستهبل : نصاب إلا يموت بهـ الكلام ويغمز له
حاتم : بـ الله عليك .. متى سمعتني ميت على هـ الكلام ؟
وسام يغمز : آمداك تنسى ؟
حاتم بثقه : متى ؟
وسام تورط مايقدر يقول اليوم إنت تقول لـ وسن وإحنا جالسين : أبد سلامتك
خالد : ههههههههههههههههههههههههههههههه ,, عارف قصدك .. بس حلو إنك مسكت نفسك ..
تركي واهو يضحك : ثاني مرهـ ترفق قبل لا تزحلق مع الحكومه المُصغرهـ ..
بدر يكلم حاتم : ياخي بلا جديه .. إذا شفتك جدي كذا أخاف ..
حاتم : اليوم لا تكلمني فـ شيء ..
بدر بطبعه المُحرج : ليت إللي فيك فيني ولا اشوفك كذا ضايق الصدر
حاتم يناظرهـ بنص عين
حمد : أقول مو كأن الشياب تأخروا !
ياسر يناظر ساعته : ذا الحين تشوفهم داخلين مع جدي
بدر يكلم فارس : كيف إستعداداتك للزواج ؟
فارس : ككل شيء جاهز والحمدلله
تركي : خلاص حجزت وخلصت
فارس : لا تنسى جدي إللي متكفل بـ كل زواجاتنا الله يطول لنا بعمرهـ وأبوي وعماني وخوالي ضبطوا كل شيء ..
ياسر يستهبل : يـ الله منو يتخيل فارس عريس !!
بدر يكمل : من جد دنيـا وسخه
فارس : لا .. دنيا وسخه .. والله من الحرهـ إللي عايشها إنت وياها محروقين ع العرس
بدر يكابر : منو ؟؟ إحنا ,, ماصدقت فـ هذي !!
فارس : أسألك بـ الله مو ميت عليه ويغمز له
بدر : فـ الحقيقه .. مافي أحد مو ميت على العرس
حاتم : أـنا مانويت ولا فكرت ..
خالد : ولا اـنا ,, لا حقين
بدر : ياخي انتم ياعيال خالي سُلطان حاله خاصه ..
وسام بكل صراحه : لا أـنا غير عنهم .. ودي أعرس
بدر : كفو والله هذا الرجال
خالد : يعني الواحد مايصير رجال إلا إذا تزوج
بدر : ليش لا
خالد : بكيفك .. كل واحد وله وجهة نظرهـ الخاصه في
تركي : هههههههههههههه .. والله شكلك يابدر اخر من بيتزوج
بدر : الله لا يقوله .. أـنا بكلم الوالدهـ تخطب لي إن شاء الله قريب
ياسر يغمز له : الأخو فـ باله وحدهـ معينه
وسام يستهبل : لا مُربعه
ياسر : ياربي ياثقل دمك
وسام : حط عليه موي
ياسر: أحس إني بـ أستفرغ
فيصل : هههههههههههههههه ,, عادي ربي ماطيحك إلا بـ ثقالة دم وسام
ياسر : نرجع لـ بـدر .. جاوب ع السؤال ..
بدر : أي سؤال ؟؟
فارس : لا الأخو يتهرب
بدر : لا والله ما ادري أي سؤال
ياسر : أوكي .. أقول : فـ بالك وحدهـ معينه ؟
وسام رجع قال نفس كلمته : لا مُربعه
الشباب جلسوا يضحكون
ياسر عصب : وقسم بـ الله لـ أقوم أفقع وجهك
بـدر : لا حووول .. أخلص علينا .. آبي أجاوب ع سؤالك
حاتم : هههههههههههههههههههههههههههههه ,, لا حوول من الحرهـ على العرس بتجاوب على السؤال ..!! الله لا يبلانا
خالد : هههههههههههه .. من جد الله لا يبلانا
سعود يتكلم بجديه : لا عاد خالد وحاتم من جدكم ماتفكرون بـ الزواج ؟؟
خالد : لا
حاتم : ولا أـنا
سعود : نهائياً ؟؟
خالد : ما أدري .. أـنا أشوف إنو زوجتي مابعد أنخلقت
فيصل : إللي معروف بـ عائلتنا مابعمرنا قابلنا ولا عرفنا غير بنات عمنا وخالاتنا .. يعني بـ العقل شلون بتعرف إذا أنخلقت وإلا لا ؟؟
خالد : أـنا متأكد مابعد شفتها نهائياً ..
حمد : يعني ماتفكر فـ وحدهـ من بنات عماني ولا خوالي ؟؟
خالد : كل بنات عائلتنا أعتبرهم مثل خواتي .. يعني أشوفهم مثل وسن وبس ..
تركي : يعني مشروع خارجي { قصدهـ وحدهـ من برا العائله }
خالد : والله إذا حصلتها سوأ داخلي خارجي وقعت ع الأوراق
تركي فهم عليه إنو مستحيل يتزوج بـ وحدهـ من بنات العائله ..
فارس : طيب عرفنا سالفة خالد .. لكن إنت ياحاتم ..
حاتم : شفيني ؟
سعود : لا بـ الله عيال خالي فيهم بلا
فارس : الزواج ماخطر فـ بالك نهائياً ؟
حاتم : إلـى ذا الحين لا .. وما أتوقع قريب بعد
فيصل : أـنا أشوف إنو حاتم نفس عمي سُلطان
حاتم : بـ العكس إبوي عايش أفضل حياة .. وقبل 6 سنوات كان متزوج وحدهـ ثانيه ..
فيصل : لا إنت مافهمت علي .. أـنا أقصد إنو عمي الله يطول ب عمرهـ شخصيته قويه ومافي وحدهـ تستحمل هـ الشيء ..
وسام يدخل غلط : بـ الفكس إنت ماتشوف أبوي بـ البيت عكس لما يكون مع الناس شيء ثاني وخصوصاً مع جوهرهـ { قال يستهبل } ماجاب رراسه إلا جوهرهـ
تركي : صادق الواحد مع زوجته غير عن الناس الباقين
ياسر : ما أتخيل خالي شخصيته عاديه ..
سعود : ليش ماتتخيل .. عادي اهو معانا حتى عادي إلا إذا غلطنا خذينا حقنا من المحاضرات والإهانات
بدر : ليته على الإهانات .. إذا غلطت وتكلم معاك إللي تحصله من كلامه إنك أول شيء تتحطم ,, ثاني شيء ثقتك بـ نفسك تنعدم ,, ثالث شيء مالك وجه تقابل أحد .. بس هذي نتائج محاضرات خالي إذا غلطت ..
حمد : في هذي صدقت
سعود : ماعلينا خالي وعارفينه مايعطينا محاضرات إلا عشان مصلحتنا .. حاتم طيب .. شـ السبب إللي يخليك ماتفكر بـ الزواج ؟
حاتم : سببي الوحيد .. الزواج مابعد خشش تفكيري ولا رآق له المزاج ..
تركي : أعوذ بـ الله من مزاجك إذا إنت كذا
حاتم تبسم : لا تحاولون قبل 4 و إلا 5 سنوات ما راح يخش هنا { يأشر ع راسه }
بدر : أـنا خبري يأشرون هنا { ويأشرعلى قلبه }
حاتم : هذا إنت ياحلو ..
بدر يستهبل : ياربي بموت لحقوني .. حتومي مدحني
الشباب كلهم جلسوا يضحكون ..
فـ بيت أبو راكان .. " يعني شلون .. ما راح تجين معانا ؟؟ "
أم راكان : لا
أبو راكان : طيب .. ليش ؟؟ شقول لهم إذا سألوا عنك ؟؟
أم راكان : هذا إذا سألوا {ْْ معبيات راسها خواتها } قلهم إنها صعب تترك خواتها وجلست معهم ..
أبو راكان : بس أبو خالد قالي أجيبكم كلكم .. العزيمه لنا ياحرمه
أم راكان معندهـ : إن شاء الله تكون لـ جدي .. قلت لا يعني لا
أبو راكـان : أستغفر الله وطلع من عندها لـ عياله إللي ينتظرونه بـ المجلس
زيـاد : ما راح يروح غيرنا أحد ؟
أبو راكـان : أمك ماتقدر تجي وتخلي خواتها
راكـان : بس العزيمه لنا كلنا .. وفضيحه إذا ماجو أمي وخالاتي
أبو راكان يرقع لـ زوجته : لا فضيحه ولا شيء .. أمك صادقه
راكان : ونايف ما راح يجي
أبو راكان : من جينا هنا ماشفته
راكـان : أجل مشينا
أبو راكان : مشينا .. وطلعوا أبو راكان وراكان وزياد ع سيارة أبو راكان ..
أم فارس : بنات جهزوا عباياتكم لإنو خالكم سعد بيدخل يسلم وبيدخلون معاهـ أولاد أكيد
وسن ووإهي تطق راسها : يؤي نسيت أقول لكم
ريم : واـنا أشوف البنت لابسه ساتر حيل
ريناد : مو قلت غريب على وسن تلبس ساتر
وسن : وربي صادفت ماكنت أعرف إلا لما قالت لي أمي أجهز لي غطا
هنادي : يعني لازم نسلم ؟
أم سعود تاخذها ع هبالها : لا إذا ماودك مو لازم تسلمين
هنادي مصدقه : الحمدلله ربي بيفكني من لبس العبايه
أم سعود عصبت : أقول .. قومي بس تجهزي .. خالك مايجي إلا مثل مرهـ كل سنه .. وإلا كلكم تسلمون عليه
وتين : ياربي يعني إلا ألبس !!
أم خالد : شوفوا البنات !! من قلنا مجمع نطوا لنا وعشان لبس عبايه وتسليم على خالهم مايبون ..
أم راشد : بلا كلام فاضي وكل وحدهـ تلبس يلا
أم سعود رفعت صوتها لإنها ماشافت ولا وحدهـ منهم تحركت : قوووومي إني وياها أشوف ..
نطوا البنات على طول .. أم تركي : بنات مايجون إلا بـ الخناق
أم عبدالرحمن : صادقه .. شوفي إللي عندي حاراتني مع إنهم 2 ربي يخليهم لي
أم راشد : يسلمهم ,, صغار شيحرون فيه ؟
أم عبدالرحمن : بلاك ماجربتي عنادهم
أم خالد : ما أظن في أعند من وسن ووتين وخلود ,, هذيل صح أعند مافي العائله ..
أم عبدالرحن : أتخيلي بزور اهلي .. شهد تقول ما آبي أروح وعهد تمسك معاها شهد ماتروح ليش أـنا أروح .. وعلى هـ الحال ليما يجي أبوهم ياخذهم غصب
أم تركي : فديتهم .. ليش مايبون يطلعون ..؟
أم عبدالرحمن : عشان أهلي ماعندهم أطفال كلهم كبار .. والأخوات يبون أطفال .. وإلا إذا الجيه لكم قبلي للسيارهـ
أم فارس : هههههههههههههههه ,, ياحلوهم
أم راشد : وهذا حالهم كل أسبوع ؟؟
أم عبدالرحمن : كل روحه لـ أهلي إلا خناق وصرراخ وعناد ومنو يمشي كلامه ..
أم سعود : صدقتي .. أـنا مجربتهم بـ مدرستي إللي أـنا فيها .. تشوفين أشكالهم صغار لكن بـ الحركات واللسان أكبر مني ..
أم خالد : هههههههههههههههههههههههههه ,,
أم سعود : أضحكي .. إنتي ربي رازقك بـ الثانوي كبار وإذا تفاهمتي معاهم يعقلون ويتفهمون لك مو إحنا ..
أم خالد : والله ما راح يجيب لي الضغط والسكر إلا وسن ووتين أشغب 2 عندي بـ المدرسه والمشكله إنو وحدهـ بنتي والثانيه بنت أخت زوجي يعني إلا أعاقبهم ولا أتهاون بـ إزعاجهم ..
أم سعود : ههههههههههههههههههههههههههههه ,, إحنا بـ البيت ماتحملنا شطانتهم .. الله يعينك
أم تركي : باقي لهم سنه عندك ؟
أم خالد : إيوا .. عاد أخر سنه من غير شر .. وشكل الثنتين ناويات يهيصون على كيفهم .. أسمع وسن تقول إلا نختمها بـ شيء حلو .. قالت وتين لا ياغبيه بنختمها بـ شيء يذكرونا عليه بعدين يعني بـ نفلها إن شاء الله ..
الحريم جلسوا يضحكون من خطط وسن ووتين
أم راشد : الله يعينك عليهم
أم خالد : ماعليك .. أـنا لهم .. ناويه لهم نيه ..
أم سعود : ههههههههههههه ,, كأني عرفتها
أم تركي : إيش ؟؟
أم خالد : بيننا لا يوصل الخبر حتى للبنات الكبار ..
الحريم : أكيد ..
أم خالد : وسن ووتين عندي بفصل واحد وإلا يجلسون بجنب بعض .. وأـنا ناويه أول مشكله يعملونها بحط كل وحدهـ بفصل
الحريم : ههههههههههههههههههههههههههههههههههه
أم سعود وإهي تضحك : بينتحرون
أم عبدالرحمن : الله يعينا على أزعاجهم وقتها
أم تركي : من جد
أم خالد : ماعلي منهم ..
أم سعود : بيجيبون لك واسطه
أم خالد : لو منو يوسطون .. مستحيل أرجعهم
أم سعود تغمز : علينا !!
الحريم ضحكوا
أم خالد : منو قصدك ؟؟
أم سعود بدلع : سلطوني ,,
أم خالد تتبسم : لا عاد إلـى هنا وبس .. أساساً ما بعُمرهـ تدخل .. بيجي على اخر شيء وبيدخل بـ سالفه مثل هذي ..
أم سعود : يسوونها المشاكستين .. وقولي العنود قالت
أم خالد : تجي عليهم
أم فارس : جيبي لك حل ثاني
أم خالد : ما راح يعقلهم إلا هذا الحل
أم تركي : مثل ما قالت العنود بيدخلون وسيط
أم خالد : عجزت فيهم السنين إللي طافت جت على السنه الأخيرهـ بيعقلون
أم راشد : الله يعينك ويصبرك سنه
أم خالد : مع كذا .. ولما أتذكر إنو بدخل بيوم للمدرسه من وسن ولا وجه وتين بـ الإستقبال احزن غصبب .. تعودت عليهم موجودين معاي بكل مكان بـ البيت بـ المجمع بـ المدرسه ..
أم سعود : أحمدي ربك بـ تحصلينهم مرتزات لك بـ روحت المجمع وبـ البيت قبالك
أم فارس : إلا أقول .. مريم وخواتها بيجون ؟؟
أم خالد : سُلطان قال لـ سعد يجيبهم .. وما ادري عنهم .. إذا جو حياهم الله ويشرفونا ,, وإذا ماجو ربي يستر عليهم وضيافتهم بتوصلهم ..
أم سعود : عندي إحساس ما راح يجوون
أم عبدالرحمن : بعد إللي أمس شفناهـ من نظراتهم مستبعدهـ جيتهم
أم راشد : هذا هو
أم خالد : أـنا بروح أشوف أكل عمتي جهز ووإلا لا .. وراحت حصلت البنات جالسات بـ الصاله إللي تضحك وإلا تكلم بـ الجوال وإللي ترقص جت لهم : الحلوين شيسوون ؟؟؟
وسن : يُمه صح شهد وعهد صاروا كبار ؟؟
أم خالد تناظر شهد وعهد : فديتهم وأحلى كبار بعد وراحت من عندهم للمطبخ
وتين : يلا أرقصوا
شهد : ما أعرف
وسن : وإنتي يـا عهد
عهد : وأـنا ما أعرف
وسن : خلاص إذا رقصنا شوفونا كيف نرقص وأحفظوا وبعدين أرقصوا نفسنا .. أوكي
شهد وعهد ووتين : أوكي ..
وسن تكلم وتين : إنتي شدخلك . . أـنا أكلمهم اهم
وتين : وأـنا جالسه معهم
وسن : أحلفي بس
وتين بدلع : وربي
أمل : وربي مو لايق
وسن : ياحياتي ياوتين أساساً الدلع مخلوق لك ومنك وفيك
خلود : أعرف إنو الناس تكذب ,, لكن نفس كذبكم ماعُمري سمعت
وتين : ياحياتي ياخلود أساساً الكذب مخلوق لك ومنك وفيك
البنات كلهم ماعدا ريم عشانها تكلم جلسوا يضحكون
وسن : هههههههههههههههههههههههههههههه ,, كفك كفك وتطق كفها بـ كف وتين ووتين مبسوطه
هنادي : ياحرام لقطي لقطي ..
وسن : ما يحتاج .. بنادي على جمانه{ مسؤولة النظافه عندهم } تجي تنظف مكان وجهها
خلود : مايضحك
وسن : ما أحد طلب منك تقيمين إذا يضحك وإلا لا
وتين : هههههههههههههههههههههههههههههههــآآي .. كفك كفك وتطق كف وسن
وتين : خلاص خلود المفروض تنتحرين بعد إللي جا لك مننا ,,
أمل : ياحرام
هديل : هههههههههههههههههههآآي ,, وربي فاصلات
وتين : تعالي شبكينا
هديل : ثقيلات دم
وسن : تعالي حطي على دمنا موي عشان يتخفف لك
وتين : لا تردين عليهم ماعليك منهم
ديما : ليش إن شاء الله ..؟؟
معروف وسن إذا بتقهر البنات تغني هـ المقطع لـ وسن ومن جد ينقهرون ومع إنو صوتها حلو إلا إنو عند هـ المقطع يكابرون .. غنت بصوتها الحلو :
أثنين تجمعنا المحبه
يغارون منا الأحبه
حُبي وأـنا أحبه عذالـي ماتفهمون { عند هـ المقطع ناظرت البنات وأبتسمت ورفعت راسها بكل غرور لـ فووق } ..
وتين : يخليلي الصوت وصاحبته
وسن بتقهرهم أكثرهم : ويخليك ياقلبي
وتين من النوع إللي على طول تحضن إللي قبالها وحضنت وسن وباستها على خدها
أمل : وععععععععععع
وسن بدلع : منك { تكمل بنفس النبرهـ } حُبي نروح عند جدتي وعماتي وأمي
وتين يقال إنها خاقه عشان تقهر البنات : تأمرين ياحُبي
هديل : مالت عليكم
وسن وإهي تمشي مع وتين وتكلمها عشان البنات يسمعون : عذال ياروحي
وتين : خل العذال يموتون وكملوا طريقهم لـ جناح جدتهم
أمل : وربي هـ البنتين مو بـ الدنيا
ريناد : ههههههههههههههههههههه
هديل : من جد إذا شفتهم أقول فاصلات عن الكل .. وراحوا البنات لـ جناح جدتهم عند أمهاتهم ..
بـ مجلس الرجال ..
الشباب واهم يصارخون : فـووووووووووووواز
فواز لسا داخل عليهم ويضحك : لا خياله
وسام : ياثقالة دمك
خالد : سبحان الله كلمه مقيوله له من قبل
الشباب يضحكون وسلموا فـوووواز
فواز : خير إن شاء الله فواز .. أصغر عيالكم ؟
فيصل : يوووه .. ذا الحين بيشوف نفسه علينا عشانه دكتور
فواز : مو ولد فارس إللي يشوف نفسه على أحد
حاتم : كفووو والله
فارس يستهبل : صادق ولدي مستحيل يشوف نفسه على أحد
فواز : أقول قم بس إنت ووجهك ,, مسوي لي فيها
فارس : أحد يحصل له أكون أبوهـ ويرفض
فواز : أـنا .. وبعدين تراك ماخذ بحالك مقلب .. لايكون بنت العنود ضاحكه عليك بس
وسام أعجبته السالفه : ههههههههههههههههههههه ,, لقط لقط
فارس يقهرهم لإنه اهو الوحيد إللي بتزوج بعد 3 أسابيع من كل شباب عائلته : يابختي فيها ,, أتركها تضحك علي مثل ماتبي .. عسل على قلبي
حمد يقال إنها أخته والنخوهـ شغاله عندهـ : أقول أحترم نفسك ترا أخوانها هنا
فارس : زوجتي كيفي
ياسر : متى مادخلت عليها قل هـ الكلام
فيصل : الله يعينك ياخوي على تعقيدهم
سعود يستهبل : أهـا بس بعد إنت ..
بدر : لا بـ الله ناسبت يافارس وطاب فالك
فواز : ههههههههههههههههههههههههههه .. والله إنه داعيه عليه أمه إللي يناسبكم { يقصد أخوان أمل } ..
بـدر : هههههههههههههههههههههههههههه ,, إلا إللي داعيه عليه أمه إللي بيناسب هـ العائله الكريمه .. يأشر على خالد وحاتم ووسام ..
فواز : لا كذا إنت ظلمت
فيصل : والله صادق بـدر
حاتم : أحد يحصله رُبع نسب سُلطان ويكرهه ؟؟
بـدر : بدا المغرور
وسام : ما قال شيء غلط
تركي : أـها وبعدين
خالد : صح ,, شفيه نسبنا يـ أخ بـدر ؟
بـدر : كملت
فواز : عاد شوف كيف بتفك نفسك منهم
بـدر بكل صراحه : الله يسلمكم نسبكم يشرف والنعم فيكم وكلنا واحد .. لكن تخوفون كلكم
هنا الشباب : ههههههههههههههههههههههههههههههههه
فارس : ليش يخوفون ؟؟ مو بشـر مثلنا .. وإلا مخلوقات غريبه ؟؟
فواز ووسام : ههههههههههههههههههههههه { كمل وسام } بس لاتعيدها
فارس يستهبل : أبشـر طال عمرك .. { وناظر فـ بدر } كمل يابـدر
بـدر : ما أدري أـنا أشوف أنهم ما أحد يعرف شـ إللي عندهم ,, وأحس شوف قلت أحس يعني مجرد إحساس إنهم مغرورين ومايرضون بـ أي أحد بسهوله
خالد : صدقت بـ صفة الغموض لكن الغرور هذي غلطان فيها ..
حاتم : وأكيد مانرضى بـ أي أحد بسهوله ..
بدر : ليت ربي مايخيلني أطلب نسب من خالي سُلطان
فواز : ههههههههههههههههههههههههههههههههههه
حاتم : ذا الحين بعرف ليش متخوف من أبوي كذا ؟؟
سعود : لا تلومه خالي يخوف الكل حتى الكبار .. الكل يعمله ألف حساب
حاتم : شيء طبيعي .. رجال ومعروف بـ أفعاله
فيصل : هذا البلا
تركي : هههههههههههههههههههههههههه .. وربي أنكم مضيعين
خالد : لا شكلهم مسوين شيء غلط وخايفين من ردة فعل الوالد
بدر : إسم الله علينا .. أنهبلنا نغلط عشان نسلم نفسنا للحكومه !!
فارس وفواز : ههههههههههههههههههههههههههههههههههههه
فواز يكلم فارس : العروس هنا ؟
فارس يتبسم : كلهم هنا
وسام : حركات .. كبير شباب العائله يستحي
بدر : والله لو إني مكانك ما أفوت أي لحظه معاها
وسام يكلم فارس : بـ الله عليك عطه شوي من حياك
بدر : آموت يـ إللي مقطعه الحيا
وسام : بس مو مثلك متهور وبقوهـ
بدر يغمز له : حلاته هـ التهور .. وبكرهـ تعرف
خالد : الحمدلله الذي عافانا مما أبتلاهم
ياسر : أنتم {ويأشر على خالد وحاتم} لا تشاركونا بهـ المواضيع
فواز : وليش ؟
فيصل : صادق .. الأثنين هذيل مايفكرون بـ الزواج نهائياً
فواز : لـ متى ؟
تركي : الله يسلمك .. خالد مابعد أنخلقت زوجته .. وحاتم قبل 4 وإلا 5 سنوات مايفكر ..
سعود واهو يضحك : الناس عندهم مشاغل
خالد : صح .. عندي إرتباطات أهم من الزواج ,, مانبي نهمل أشغالنا عشان الزواج
حاتم يكمل : والزواج لا حقين عليه إذا فضينا وروقنا له
فارس : ياهوووووهـ يـ إللي بيروقون له ويغمز
فواز : صادقين .. لا حقين على الزواج ..
ياسر : كملت .. جا من يشجعهم
خالد : بـ الله عليك الدنيا مافيها إلا الزواج ..؟ في أشياء أهم
فواز مقتنع بـ كلامهم : صح .. الزواج ملحوق عليه
فيصل : إنت جربت وربي ماوفقك .. وذا الحين مشجعهم واهم ماجربوا
فواز : صح تزوجت وماتوفقت وشوف النتيجه طلاق
تركي : ياخي إنت صار لك 9 سنوات مطلق .. لا تلعب بـ تفكيرهم عن الزواج إنو شيء مو كويس وكله مشاكل
فواز : أـنا مالعبت على عقل أحد .. وبعدين منو قال الزواج شيء مو كويس وكله مشاكل ؟ بـ العكس الزواج أستقرار وتكوين أسرهـ لكن أـنا ربي ماوفقني .. ماصار بيننا تفاهم وهذا إهي تزوجت وعندها أولاد وربي يوفقها ويستر عليها ,, والحمدلله على كل حال { فواز دكتور عمرهـ 35 تزوج قبل 10 سنوات لكن ما أستمر زواجه سنه إلا مطلق لإنو زوجته مُهمله وغير هذا مشكلتهم الأساسيه يترك شغله بـ المستشفى ويشتغل مع أخوانه واهو مايبي هـ الشيء ماحلم ودرس ونجح عشان يجي أحد يطلب منه هـ الشيء ,, وتركته وراحت لـ بيت أهلها وحاول يتفاهم معاها لكن كانت رافضه نهائياً إلا ينفذ إللي طلبته وإلا ينفصلون .. قرر بـعد فترهـ الإنفصال وانفصلوا ومن بعدها مافكر بـ الزواج 'مو حُب وتعلق فيها .. لا .. لإنو كرهـ كل البنات بعدها .. خاف يرتبط وتعقدهـ الثانيه نفسها .. '}
حمد مصدوم : يعني ماتفكر بـ الزواج ؟؟
فواز : جربت مرهـ وتكفيني تجربتي .. والحمدلله إنو ماعندي وقت أفكر بهـ الأشياء لإنو شغلي ماخذ كل وقتي ..
سعود يناظر خاله بتمعن : إنت إللي هالك حالك بـ الشغل عشان تتهرب ولا تفكر بـ الزواج مرهـ ثانيه
فواز : يمكن ليش لا ..
فارس : نهائياً .. مو متزوج ؟
فواز : عندي الأهم من الزواج
حاتم : سمعتوا الناس إللي تفكر
فيصل : إيه لقيتوا من يناصركم
خالد : كيفكم ,, كل واحد وتفكيرهـ وإرتياحه
