معـــــــــآآنآتي مع العبايه والغطوه

البنات يعرفون الشعور اول مايصيرون كبار ويجي وقت لبس العبايه وكذا طبعا على ايامي ماكانت موجوده العبايات اللي الحين مزركشه وضيقه وحركات لا لا كانت عبايات زمان المفتوحه الله يذكرها بالخير وبعدين فيها خيط في الكم وهذا اللي شجعني البس العبايه عشان احطه في الاصبع الوسطانيه مسويه كيوت
المهم انا ماتغطيت رسمي الا وانا في ثالث متوسط بس قبلها كانت امي تخليني البسها عشان اتعود وعشان المدرسه لازم عبايه شفتو كيف وانا بأول متوسط رحنا عمره لمكه واجيك وادق بعباية امي طوويله ووسيعه وجاك العيد واحنا طالعين من الحرم تأخرت ادور نعالي الله يعزكم وراحو اهلي وخلوني يوم اطالعهم الا وهم بعييييييد ف جيتكم مشوته امشي طبلونها وماسكه العبايه من تحت وجهي ومخليتها كنها برشوت وراي وانا امشي فيه واحد مستعجل مثلي وجاي صوبي مريت من جنبه مسرعه اثاري الرجال دخل في عبايتي من وسعها ونشبت على وجهي وهو قاعد يبعدها وانا اشدها ومسكت فيه هو يسحب وانا اسحب اخر شيء طلع منها ومسكها وسحبني الين قربت منه ودفني ولحقت اهلي على وجهي اسبح

والمدرسه ي شين علومي لبست الغطوه بدون شيله وحطيت العبايه على راسي وطلعت الناس يطالعوني ويضحكون ي عالم وش السالفه اثاري غرتي طالعه وانا مدري لا وعادني داقه بذاك المفرق كني شرف خان

والمصيبه تطورت وشريت لي عبايه مغلقه البسها زي الفستان اكيد تعرفونها ولبستها وانا حاطه شعري كعكه وطلعت ادور الباص والعالم طايحه ضحك ويأشرون علي تدرون وش السالفه طرف العبايه اللي وراء مانزل كان متعلق بالكعكه وامشي وانا ظهري طالع
لا ومره رحت المستشفى ودخلت استراحة الحريم وفسخت عبايتي فطسو الحريم ضحك لابسه قميص 99 لون يا حياة الشقا

والغطوه ايام الدراسه طلعت ادور الباص مالقيته اثاريه خرب وجاء السواق بباص ثاني المهم واحوس احوس احوس ادور باصنا مالقيته المهم لقيت السواق واقف الا واجيكم اركض لعنده اول ماوصلت طاحت غطوتي عند رجله قمممة الاحراج

وفي مره طالعه انا ووحده من صديقاتي بنروح مع ابوها اول ماركبنا السياره رفعت غطوتي وبوها ملتفت صوبنا تخيلو قسمن يفهمها غلط

لا حد يموت ضحك ي جماعه ايام المتوسط كلها خبال الله يسقي

تعالو شوفو زحمة الباصات كيف اول ماركبت مع الزحمه طاحت غطوتي وانا قاعده ادور لها عند رجول البنات دعسو اصابعي وعاد لقيتها بعد جهد جهيد بس اذكر وقتها كانت بيج وانا لابستها سوداء

طيب هذي المواقف اللي علتني وقهرتني قبل فتره رحت انا واختي الكبيره السوق وانا شايله بنتها الصغيره عمرها سنه المهم كنت لابسه نقاب اللي فيه على العيون غطوه صغيره اكيد عرفتوه قلت لاختي انا بدخل محل العطور ابي لي كم شغله قالت اوكيه وراحت عني دخلت المحل والبنت في يدي وهي مره شقيه الله يصلحها قلت للبايع ابي عطور وكذا لف على وراء يجيبها من العرض المهم قامت البنت وسحبت نقابي من تحت ف طلع خشمي انتو تخيلو الموقف عيوني مغطاه وفمي مغطى وخشمي طالع المهم تمسكت البنت في نقابي وعيت تفكه البايع جاب العطر وطالع فيني يحسبني مطلعه خشمي عشان اشم العطر قام رش على كرت وقربه من خشمي يبيني اشم زين والبنت مو راضيه تفك النقاب ومني ومنها الين فكته قد ضربتها الين وجعتني يدي وفكته ورجعت خشمي للدفا والله كان وقت برد

وقبل اسبوع كنت بالمستشفى وواقفه عند الرسبشن واكلم الموظفه جاء واحد غبي وحقير ووقف جنبي كتفه بكتفي عاد انا بعدت منه وخلصت الاوراق من الموظفه وجيت ابي اروح طبعا عبايتي طويله والغبي هذا لما وقف جنبي دعس طرف عبايتي المهم قلتله بصوت واطي ي اخ ابعد رجلك عن عبايتي وهو يطالعني ويقول امري ي حلوه ومدري وشو كررتها ثلاث مرات ابعد عن عبايتي وهو لسى يقول امري تدللي انا من النوع اللي يتنرفز بسرعه قلت بصوت عالي ابعد رجلك عن عبايتي جعلها الكسر قسمن ماشفت الا ظله هارب

لا وشكله دعا علي نزلت في الاصنصير وانا طالعه منه تقفل على عبايتي

طيب خلص وقت الضحك وجاء الحزن نزلت من الباص فتقفل الباب على عبايتي وطحت وسحبني في الشارع وانا رجل في الارض ورجل عند باب الباص
والله مررررررررررا تعورت يومها كنت بموت بس الله ستر

هذي مواقفي مع العبايه والغطوه ههههههههه

يعطيك الف عافيه مواضيعك تاخذ العقل يا شيخه وتسلميييييييييييين~1~1

يعطيييك العافييهههه 
تقبلي مرووري ياسكرههه