من ليله البارح وحابسني الضيق

من ليلـة البـارح وحابسنـي الضيـق
عسى صباح اليـوم يطلـق سراحـي
وعادت لي الضيقه على فكّـة الريـق
الله يهوّنـهـا ويسـعـد صـبـاحـي
لا قمت أدرّجها على قـد مـا اطيـق
تغانمتنـي مـن جمـيـع النـواحـي
بينـي وبيـن الغرغـره والتشاهـيـق
أرمـاش عيـن وجلسـة ٍ وإنسداحـي
لاشـك يومـي عنـد رب المخالـيـق
اللـي بذكـره بهجتـي وإنشـراحـي
مانيـب وارث غاليـات الصنـاديـق
وخزاين آل سعـود وآل الصباحـي
أن عشت .. عشت مع الرجال المطاليق
وأن مت .. موتي حق والعمر ماحـي
هبت همـوم الصـدر جملـه وتفريـق
وأزريت أعرّضهـا هبـوب الرياحـي
ما عـذّب الشعّـار غيـر الطواريـق
كـل ٍ تعلّـق فـوق قـرن الوضاحـي
موّثقـه مـاعـاد تحـتـاج توثـيـق
وانا قنعت وخاطـري مـا استراحـي
وروابي اميزها .. علـى أم الخماليـق
اللـي تشوفونـه عليّـه وشـاحـي
أغيب مـن فيـض المحبيّـن وافيـق
وآخـذ بـلا منّـه شهـادة نجـاحـي
والعولمـه تفتـح قـفـول ٍ مغالـيـق
وهـذا زمـان الفـتـح والإنفتـاحـي
ماجيتهـا ناكـر وملـحـد وزنـديـق
أعرف صلاح الدين وأعرف صلاحـي
لكنّ يـا شاهـق بـروس الشواهيـق
دحدر على ماجـاك وأسـرح وتاحـي
والحرّ لـو يرضـى بحكـم المسابيـق
شاب ونبت له فـي جناحـه جناحـي
ويزيد غبنـه مـن فـروخ الغرانيـق
لا صنّفوهـا مـن طيـور الفـلاحـي
رميـت فـي وجـه اللئيـم المواثيـق
وطلبت من وجـه الكريـم السماحـي
ودوّنت فـي قسـم المجانيـن تعليـق
من يشتم المجنون ماهـوب صاحي