الرئيسية
صدفة مجنونة
نزلت السوق اشتري اغراض للعيد
ادخل محل واخرج وادخل المحل الثاني واخرج واروح للمحل الثالث واوقف مصدووومة
ماني مصدقة عيوني وامسك حجابي واشددده بقوة علشان اشوف زين
سبحان الله اشوف واحد قدامي يشبه ماجد المهندس
معقووولة يكون ماجد لا لا وش يجيب ماجد المهندس هنا
الله خلق من الشبه اربعين اكيد واحد يشبهه سبحان الله
واسحب الحجاب علشان يكبر مكان البرقع واشوفه زين
ويطيح الحجاب وانزل وآخذه وارجعه على وجهي وانا متفشله
واناظر يمين شمال ان شاء الله ما احد شافني
إلا اشوف شبيه ماجد يضحك بسخرية
وانا متفشله يااويلي اكيد شافني لما طاح الحجاب
واروح له وانا معصبه واصرخ عليه ليش تضحك
رد علي اولاك هدي شويه يابنت اشبيك معصبه
وانا ابقق عيوني انت ليش تتكلم عراقي
رد علي اولاك باوعي اهنا زين بالله ماعرفتيني
قلت له انت انت انت وارتبك وما اعرف اكمل
قال ههههههههههه اشبك يابنت انا ماجد المهندس ليش مستغربة
قلت له اي والله عرفتك وش هالصدفة المجنونة معقولة انا انا التقي مع ماجد وبعد يعطيني وجه ويتكلم معاي
قال شكلك اوكعتي طركاعة على راسي خلاص روحي ولاك لعطيك جلاق
قلت له الحين لا تشوف نفسك علينا احمد ربك انك متجنس سعودي وجالس في السعودية وكل تبن
قال روحي مناك اولاااك لا تخليني اسوي لك اهنا عركه انا ضايج هوايه ومو فاضي لج
قلت له طيب طيب بس لا تعصب
قال ماني معصب بس انتي هوايه مزعجة ولسانك طويل
قلت له هههههههههههههههههههه ايه صحيح صدقت انا لساني طويل
قال لسانك طويل وشكلك كمان مخبلة
قلت له يب يب انا مخبلة هههههههههههههه
قال ههههههههههههههههههههههههه طيب تعالي نشرب استكانة شاي ونحكي شويه احسن من نظل واكفين
قلت له لا لا انت تمزح ترى حنا في السعودية مو في العراق
قال ليش انا اشقلت بالله
قلت له شكلك باقي ما تعرف السعودية زين يا حسافة الجنسية السعودية اللي عطوك اياها
قال هههههه اي بلا اعرفها زين بس ما احد راح يشوفنا هسة
قلت له طيب لو تجي الهيئة وحنا مع بعض وش بيصير فينا
قال خلاص يابنت الحين لا تسوين سالفة خلاص بطلنا نشرب شاي
قلت له لا لا لا تكفى انا ما صدقت شفتك من زمان اتمنى التقي وياك يالله يالله مشينا بس ترجعني بعد ساعة
قال خلاص تعالي ركبي السيارة
وركبت معاه ورحنا نشرب شاي
وقعد يسولف لي عن زوجته اللي تطلقت وعن ولده اللي ساكن برا السعودية
وقهرني وهو يسولف عنها مدري ليش حسيت بالغيرة
وقلت لازم اقهره مثل ما قهرني
وقمت اسولف له عن ابو سروال وفنيلة واقول له ان ابو سروال وفنيلة حنون ورومنسي ووسيم والسروال والفنيلة يجنن يخبل عذاااب
وحسيت انه بدأ ينقهر
وقهرني وقهرته وقهرني وقهرته
وشوي تطب علينا الهيئة
المهم قمت انا وقلت للشيخ انا خطيبته
ناظرني ماجد وقال نعممممم؟
قلت للشيخ خلاص روح انا خطيبته وش تبي فينا رحنا نجهز للعرس عندك مانع
قال الشيخ وش يثبت لي
قلت لماجد تكلم قول له اني خطيبتك وش فيك ساكت
قال ماجد لا هي مش خطيبتي هي تجذب جذااابة
واناظر ماجد وعيوني كلها دموع وقلت له هين يا ماجد الحين وش راح يصير فيني راح انفضح
قال الشيخ يالله كلكم اطلعوا معاي وراح نكشفكم ونعرف قصتكم استغفر الله ما تخافون الله يا كذابين
وطلعنا معاه واستدعوا ابوي وجاء ابوي
وقعد يضرب فيني ويقول هذه جزاتي انا ما ربيتك كذا ويضرب وانا اصررررخ وابكي
يبه تكفى ارحمني ترى انا مالي ذنب والله ماجد اخذني بالغصب مو برضاي
وماجد يصرخ جذابة جذاابة جذااااابة
المهم طلعت انا البريئة وماجد هو المذنب وانه اخذني بالغصب
وغصبوه يتزوجني ويستر علي
المهم تزوجنا
وقلنا ماراح نقول للناس السالفة علشان ما ننفضح
راح نقول لهم اكتشفنا ان ماجد زوجي من الرضاعة^_^
وقلنا للناس اننا ازواج من الرضاعة وصدقوا الناس وعدت السالفة على خير
وتوتة توتة خلصت الحتوتة ياترى حلوة ولا فتوتة^_^
