الرئيسية
عايش بغربه لكن ماهي غربة بلاد
عايش بين اهلي لكن فاقد واحد انا له اعتاد
حاسس اني فاقد ذراعي اليمين
الله يرححمه و يرحمنا اجمعين
يتيم ماحصلت من يحس ولا يعوضني عنه
يارب اغفر لـ أبوي و اجعل مثواه الجنه
حاسس بظلمه حولي من بعده ماني شايف شي
مغمض عيوني بنص الليل لوحدي جالس ادعي
يالله رجوتك ارحم كل مسلم سلملك روحه و راح
فقد عياله .. فقد ناس معاهم حقق نجاح
رباني على الحسن علمني معنى الأخلآق
ابعدني عن الشر و منعني من النفاق
رباني على كل اللي كل واحد يحلم بـه
مو بس انا فاقد حتى لساني فاقد كلمة يبه
يا يبه انا حاضر باللي انت تامر بـه
لكن وينك ابي اشوفك بعدك افكاري مكركبه
اخذت افكاري و رحت تركتني لحالي بـ هالزمن
يا يبـه وينك طاحت علي اصعب محن
حاسس ان ظهري مكسور من اللي شفته بدنياي
ماني قادر اتحمل وين اللي كان يوقف معاي
يعلمني ويضربني ويفهمني يساري ويميني
دايم يبي لي الخير حتى لو كان بدمعة عيني
يبيني الاول يبيني الأفضل يبيني الأرجل
يعلمني لـ طحت كيف ارجع اكمل
يبه ماني ناسي أي كلمه
بحفظها نفس ما احفظ اسمي و اصمه
شوف يا ولدي .. اهتم بدروسك و مدرستك
غير الشهادهـ يا ولدي محد بـينفعك
يتيم من بعدك ماني لاقي احد اشكيله
فيني هم .. ماني لاقي من يشيله
الله يرحمك ويسكن روحك جنة الفردوس
يايبه من تربيتك الكل يشهد عروقي اصيله
الله يرحمك و يغمد روحك الجنه يايبه
شبل انتفض و طاح من طوله و عزت انتصابه
حاس اني في حزن شديد و الحال جداً صعب
خلني انحت ام الحرف داخل القلب
مالحقت اسلم عليك و اقولك فمان الله
حاس قلبي بيتفجر اقسم بالذي في سماهـ
هل مت في قلبك سر هل كان في قلبك شي اتقوله
ولا رحت و تركت لي هذا البيت عرضه و طوله
انت مت وتركت في وسط قلبي الدين و العزه
لو تتجمع هذي الارض على ولدك ما بتهزه
ولدك اصبح اسد لكن ضاق صدره و انكتم
كل الحب في قلبي اختفى و شب فيه النار من عدم
ارجع غرفة الطفوله و اطلع بـ الحيطان
شايفك في كل محال ودي اشب فيه النيران
قاعد متخدر متصلب انسان ضايع حيران
اهـ يا حرة قلبي صوتك يابه في كل مكان
تكفى يابه .. يابه قول اني كنت فيك بار
سامع صوتك وانت في قبرك لو ماكنت راضي هذا عار
يابه ولدك تألم ولدك تكلم
ولدك همه زاد و في عز الظهر الدنيا في عينه تظلم
كان ودي اشوف ابتسامتك و انا اتزوج
لكن اوعدك من الليله ولدك قلبه ما يتعوج
اتمنا يكون مات و فيني ما خاب ظنه
لكن يالله مو مشكله نشوفك يابه بالجنه
...............
