خلاص إنتهينا

زي ما سبتني هسيبك
مستحيل أكون حبيبك
وبنفس القسوة أنا هبيعك
وعمري معاك هنساه

فاكرني هفرح برجوعك
وبإيدي همسح دموعك
وإني مش عايشة في غيابك
وإنك رجعتني للحياة


فاكر إن الدنيا بعدك .. مفهاش حبايب بعدك
دة أنا زي ما قلبي حبك .. يخلي الكون حبايب

فاكر إن القلب عندك .. عايش مستني وعدك
وإن الحياة من بعدك .. متقفلة وإنت غايب


حبيبي خلاص إنتهينا
حلمنا مات بإدينا
أنا وإنت عملنا اللي علينا
أنا إشتريتك وإنت بعت

صعب نرجع من تاني
أحسنلنا ننسى الليالي
كان فلبك معايا أناني
وعلى إيدك حبيبي ضعت


علشانك أنا ياما ضحيت .. ومن قسوتك كتير نسيت
ومن عمري أنا ياما إديت .. ومخدتش إلا القسية

في جراحك ياما داويت .. ومعاك أنا إنتهيت
ومن قلبي كتير حبيت .. ومشوفتش منك حنية